ပြုပြင်ပြောင်းလဲရေး ဆက်လုပ်မယ်လို့ သမ္မတဦးသိန်းစိန်ပြော
တည်ငြိမ်အေးချမ်းရေး နဲ့ ဖွံ့ဖြိုးတိုးတက်ရေး ကို အားလုံးက လိုလားတယ်လို့ ဦးသိန်းစိန်က ဆို
မြန်မာ နိုင်ငံ မှာဒီမို ကရေစီ
ရေး ပြုပြင် ပြောင်းလဲ မှုတွေ လုပ်သွား ဖို့ သူ့ အစိုးရ သစ်က ကြိုးပမ်း
နေကြောင်း၊ ဒါပေမယ့် အနောက် နိုင်ငံ တွေမှာ ကျင့်သုံး တဲ့ ဒီမို ကရေစီ
စံနစ် နဲ့ တော့ ထပ်တူ ဖြစ်မှာ မဟုတ် ကြောင်း မြန်မာ သမ္မတ ဦးသိန်းစိန် က
ပြော ပါတယ်။
အင်ဒို နီးရှား နိုင်ငံမှာ ကျင်းပခဲ့ တဲ့ အရှေ့
အာရှ ထိပ်သီး အစည်း အဝေးကို တက်ရောက် လာစဉ် သမ္မတ ဦးသိန်းစိန် က မြန်မာ
သတင်းထောက် တွေနဲ့ ပြုလုပ်တဲ့ သတင်းစာ ရှင်းလင်း ပွဲမှာ ဒီလို ပြောင်းလဲ
မှုတွေ ကို ဖော်ဆောင် နိုင်ဖို့ အတွက် ငြိမ်းချမ်း ပြီး တည်ငြိမ်မှု တွေ
ရှိဖို့ လိုကြောင်း၊ ဒါကြောင့်လည်း သူဟာ ဒေါ် အောင်ဆန်း စုကြည် နဲ့
ညှိနှိုင်း ဆောင်ရွက် မှုတွေ ကို လုပ် နေတာ ဖြစ်တယ်လို့ ဆိုပါတယ်။မြန်မာ နိုင်ငံမှာ နိုင်ငံရေး အကျဉ်းသား တချို့ကို ပြန်လွှတ် ပေးတာမျိုး၊ ဆင်ဆာ ဖြတ်တာတွေ ကို လျှော့ ပေါ့ပေးတာ မျိုးတွေလို အပြောင်း အလဲ တွေကို တော့ တွေ့ လာရ ပါတယ်။
ဆက်လက်ပြီး သမ္မတ ဦးသိန်းစိန်က လာမဲ့ ရွေးကောက်ပွဲ မှာ ဒေါ်အောင်ဆန်း စုကြည်နဲ့ အမျိုးသား ဒီမို ကရေစီ အဖွဲ့ချုပ် ဝင်ရောက် ယှဉ်ပြိုင်မဲ့ ကိစ္စ ကိုလဲ ကြိုဆို ကြောင်း ပြောလိုက် ပါတယ်။
ပြုပြင် ပြောင်းလဲ ရေးတွေ ကို အချိန် မဆိုင်းဘဲ ဆက်လုပ်ဖို့ ဘန်ကီမွန်း ကပြော
ဒါ့အပြင် မစ္စတာ ဘန်ကီမွန်း က မြန်မာ နိုင်ငံဟာ အာဆီယံ ဥက္ကဌ တာဝန် ယူမယ့် ၂၀၁၄ အထိ စောင့် မနေဘဲ နိုင်ငံခြား ရင်းနှီး မြှုပ်နှံမှု တွေ ဝင်ရောက် လာနိုင်အောင် နိုင်ငံရေး ပြုပြင် ပြောင်းလဲမှု တွေ ကို ဆောင်ရွက် သွားဖို့ လိုတယ် လို့လည်း ပြောခဲ့ ပါတယ်။
အခုအခါ မြန်မာ နိုင်ငံ အပေါ် နိုင်ငံ တကာက မျှော်လင့်ချက် တွေ အများကြီး ထားနေပြီး ဒါကို သမ္မတ ဦးသိန်းစိန်နဲ့ တွေ့ခဲ့စဉ် မှာ ပြောကြား ခဲ့တယ်လို့ မစ္စတာ ဘန်ကီမွန်းက ထုတ်ဖော် ပြောဆို ခဲ့ပါတယ်။
No comments:
Post a Comment
ONLINE MP3