ကမ္ဘာပေါ်မှာ မြေမြှုပ်မိုင်း အသုံးပြုမှု တိုးပွားလာ
လစ်ဗျားမှာ ကဒါဖီတပ်ဖွဲ့တွေက ဒီနှစ်ထဲ မြေမြှုပ်မိုင်း ထောင်တာတွေ ရှိခဲ့ပါတယ်
ကမ္ဘာပေါ်မှာ မြေမြှုပ်မိုင်း
အသုံးပြုမှုဟာ ၂၀၀၄ ခုနှစ် နောက်ပိုင်းက စလို့ များလာခဲ့ ပြီး၊
လွန်ခဲ့တဲ့နှစ်အတွင်း နိုင်ငံ အတော် များများမှာ ပိုမိုသုံးစွဲလာတာကို
တွေ့ရှိရ တယ်လို့ မြေမြှုပ်မိုင်း တားဆီးရေး နိုင်ငံတကာအဖွဲ့အစည်း ICBL ရဲ့
နှစ်ပတ် လည် အစီရင်ခံစာမှာ ဖေါ်ပြထားပါတယ်။
မြန်မာ၊ ဆီးရီးယား၊ လစ်ဗျားနဲ့ အစ္စရေးနိုင်ငံ တို့ဟာ ပြီးခဲ့တဲ့နှစ်က စလို့ အများအပြား သုံးစွဲလာတယ်လို့ အစီရင်ခံစာက ဆိုပါတယ်။မြေမြှုပ်မိုင်း တားဆီးရေးအတွက် အသုံးပြုတဲ့ ရန်ပုံငွေဟာ စံချိန်တင် တိုးများလာပေမယ့် လည်း ပြီးခဲ့တဲ့နှစ်က မြေမြုပ်မိုင်းကြောင့် ကမ္ဘာပေါ်မှာ သေဆုံး ဒဏ်ရာရသူပေါင်း ၄၀၀၀ ကျော် ရှိတယ်လို့ အစီရင်ခံစာက ဆိုပါတယ်။
မြန်မာနိုင်ငံမှာ ၂၀၁၀ ခုနှစ် အတွင်း မြေမြှုပ်မိုင်း တွေ ထပ်ချတာကို တွေ့ရတယ်လို့ ICBL ရဲ့ ပြောခွင့်ရသူတဦး ဖြစ်တဲ့ မစ္စတာ Loren Persi က ဘီဘီစီကိုပြောပါတယ်။
မနှစ်က မြန်မာနိုင်ငံမှာ မြေမြှုပ်မိုင်း ဒဏ်ရာရသူ အနည်းဆုံး ၂၇၄ ဦးရှိတယ်လို့လည်း သူက ပြောပါတယ်။
ဒါပေမယ့် သူတို့ စာရင်း ကောက်ယူရာမှာ အကန့်အသတ်တွေ အများအပြား ရှိတာကြောင့် ဒီ အရေအတွက် ထက်မက ပိုများနိုင်တယ်လို့ သူက ပြောပြပါတယ်။
အမေရိကန်နိုင်ငံ အနေနဲ့ကတော့ ၂၀၁၀ အတွင်း မြန်မာနိုင်ငံမှာ မြေမြှုပ် မိုင်းကြောင့် ထိခိုက်ရသူ အနည်းဆုံး ၆၀၀ ရှိတယ်လို့ ခန့်မှန်း ထားပါတယ်။
မြေမြှုပ်မိုင်းကို အစိုးရ စစ်တပ်နဲ့ လက်နက်ကိုင် အဖွဲ့အစည်းတွေက အသုံးပြု နေကြတာ ဖြစ်ပြီး၊ ထိခိုက်ခံရသူတွေ ထဲမှာ အများစုက အရပ်သား တွေ ဖြစ်ကြောင်းလည်း သူက ပြောပါတယ်။
ကချင် လွတ်လပ်ရေးကောင်စီ ဒုတိယ အတွင်းရေးမှူး ဗိုလ်မှူးကြီး ရောထုံကတော့ သူတို့ အနေနဲ့ စစ်တိုက်တဲ့ နေရာမှာပဲ မြေမြှုပ်မိုင်းကို သုံးကြောင်း၊ အရပ်သား နေရာ တွေ မှာ တော့ အသုံးမပြုကြောင်း ဘီဘီစီကို ပြောပါတယ်။
ICBL ပြောခွင့်ရ မစ္စတာ Loren Persi ကလည်း အခုလို လက်နက်ကိုင် ပဋိပက္ခ ဖြစ်နေတဲ့ မြန်မာနိုင်ငံမှာ ဖြေရှင်းဖို့ မလွယ်တဲ့ အကြောင်း ပြော ပါတယ်။
ဒီအတွက် မြန်မာအစိုးရနဲ့ လက်နက်ကိုင် အဖွဲ့အစည်း နှစ်ဖက်စလုံးကို မြေမြှုပ်မိုင်း မသုံးဖို့ တောင်းဆိုနေကြတာ ဖြစ်တယ်လို့ သူက ပြောကြား သွားပါတယ်။
No comments:
Post a Comment
ONLINE MP3